<?xml version="1.0" encoding="UTF-8"?><song><time_sig>8.8.8.D.</time_sig>
<title>Hatak yoshoba moyumʋt ƲIT18</title>
<lyrics>[V1]
 Hatak yoshoba moyumʋt
 Achukmʋt ho haponaklo;
 Chisʋs holitopa
 Hʋpi Ohchalinchi yokʋt
 Yak ahanchishke, &quot;atuklant
.    
     Hʋsh ʋtta pullashke.&quot;

[V2]
 Chisʋs ʋt im anumpa ha̱
 Ish hakla chi̱, chi̱, milhʋshke,
 Ik chi yimmo pullʋt
 Ayoshoba bieka ho̱
 Hʋsh anta tuk ʋt, &quot;atuklant
.    
     Hʋsh ʋtta pullashke.&quot;

[V3]
 Yohmi ka hʋchi chu̱kʋsh ʋt
 Nan ayoshoba bieka
 Ai alotowa hosh,
 Ʋba yoka hʋsh chukowa
 He keyu hokʋt, &quot;atuklant
.    
     Hʋsh ʋtta pullashke.&quot;

[V4]
 Chi chu̱kʋsh ʋt inlʋt toba
 Keyu hokmʋt, luak chito
 Ataha iksho ho̱,
 Chik iba chukowo ka wa;
 Yohmi pulla kʋt, &quot;atuklant
.    
     Hʋsh ʋtta pullashke.&quot;

[V5]
 Mih ka hʋsh moyuma kʋto,
 Chitokaka yoka tu̱shpʋt
 Hʋsh hoyo pulla cha,
 Shilombish Holitopa 'k o̱
 Isht hʋsh ai ʋtta pulla cha,
.    
     Hʋchi okcha̱yashke.</lyrics>
<hymn_number>18</hymn_number>
<author>Alfred Wright</author>
<aka>&quot;The sinner must be born again.&quot;</aka>
</song>